سونے کی خرید و فروخت کو سمجھنے کا حساب!

 #

ایک تولہ سونا میں 11.664 گرام ہوتے ہیں . اسی طرح 1 تولہ سونے میں 12 ماشے ہوتے ہیں . اگر آپ 1 تولہ زیور بنا سونا فروخت کرتے ہیں . تو سُنار  اگر تو اس نے زیور آپ کو خود بنا کر دیا ہے 2 ماشے کٹوتی کرتا ہے . اور اگر آپ نے کسی اور سے بنوایا اور فروخت کسی اور سُنار کو کر رہے تو وہ ایک تولہ سونے کی 3 ماشے کٹوتی کرے گا .

نوٹ : اس اوپر بیان کیے گئے داو کو سُنار ایک رتی ماشہ یا 2 رتی ماشے کا نام دے گا .

آپ نے اگر 1 تولہ سونا زیور فروخت کیا . تو کٹوتی کے نام پہ آپ کے زیور سے 3 ماشے گئے . اب دوسری طرف آتے ہیں . یعنی اگر آپ زیور بنواتے ہیں . تو ایک تولہ سونا 24 قیراط ہوتا ہے . پہلے آپ کو سمجھاتا ھوں کہ قیراط کس بلا کا نام ہے .

#قیراط : قیراط (Carat) سونے کے خالص پن کو ناپنے کا معیار کا نام ہے . تقریبًا سو فیصد خالص سونا 24 قیراط ہوتا ہے جتنے قیراط کم ہوں گے مطلب اتنی اس سونے میں ملاوٹ شامل ہے . ویسے یہ 99.99 ٪ خالص ہوتا ہے .

12 قیراط مطلب 50 فیصد ملاوٹ اور 18 قیراط 75 فیصد خالص اور 25 فیصد ملاوٹ ہے . قیراط کمیت (وزن) کے پیمانے کے لئے بھی استعمال ہوتا ہے . ہیرے جواہرات اور قیمتی پتھروں کا وزن عام طور پر قیراط میں ناپا جاتا ہے .

اب آتے ہیں اصل بات کی جانب کہ جب آپ سونا بنواتے / خریدتے ہیں . تو

سُنار عام طور پہ 15 یا 18 قیراط سونا بنا کے دیتے ہیں . اور پاکستان میں چند ایک بڑے جیولرز کو چھوڑ کر کسی کے پاس 21 قیراط سے زیادہ سونا بنانے کی مشین نہیں ہیں . 22 قیراط بس کراچی میں ایک 2 جیولرز بنا کے دیتے ہیں .اگر سُنار نے آپ کو 18 قیراط زیور بنا کر دیا ہے تو اس نے سونے میں 25 فیصد ملاوٹ کی ہے . مطلب اگر ایک تولہ زیور بنا کر دیا ہے تو مثلا ایک تولہ ایک لاکھ اسی ہزار کا ہے . تو سُنار آپ کو 135000 کا سونا دے کر ریٹ 180000 روپے لگا رہا ہے . اسی طرح اگر سُنار نے آپ کو 21 قیراط زیور بنا کر دیا ہے تو اس کا مطلب یہ ہے کہ زیور آپ کو 158000 کا دے رہا جب کہ قیمت آپ کو 180000 سونے کی لگا رہا ہے . سیدھی سے بات ہے . کہ ایک تولہ زیور ملاوٹ کر کے آپ کو بس 135000 سے 158000 کا دیں گے . اور قیمت پورے تولے کی 180000 لگائیں گے .دوسرا داو ان کا پالش کے نام پہ ہوتا ہے ایک آدھ ماشہ الگ سے لگا لیں گے کہ اتنا ہمارا سونازیور بناتے ہوئے ضائع ہو گیا ہے . جس کی ایک تولے کے پیچھے قیمت 9000 سے 10000 ہو گی . یاد رہے ! کہ سنیارے کی دوکان کا کوڑا بھی لاکھوں میں بکتا ہے اور ان کا کچھ ضائع نہی ہوتا .آخر پہ انہوں نے مزدوری ڈالی ہوتی ہے . آپ کے بہت زیادہ اصرار پہ آپ کو مزدوری کا 2000 سے 4000 چھوڑ کر آپ پہ بہت بڑا احسان کریں گے .اور کہیں گے " آپ نے ہمیں بچنے کچھ نہی دیا .اور یہ مزدوری بس آپ کو چھوڑ رہے ہیں " کیونکہ آپ کے ساتھ ہمارا دوسری یا تیسری نسل سے تعلق ہے . 😄بلا بلا بلا بلا

سونا بیچتے وقت سونے کی ڈلی بنوائیں (وہ بھی اعتماد والے بندے سے ۔ رعایت خیر وہ بھی نہی کرتا) مطلب ملاوٹ نکال دی جاتی ہے اور خالص 24 قیراط سونا رہ جاتا ہے . پھر اس ڈلی یعنی خالص 24 قیراط سونے کو اس دن کے سرکاری ریٹ پہ بیچیں . ورنہ آپ کو بہت بڑا چونا لگ جائے گا . زیور بنواتے وقت پہلے طے کریں . کہ سونا 21 قیراط بناو گے 18 یا 15 جتنا خالص وہ سونا بنائے اس حساب سے 15 ، 18 یا 21 قیراط کے مطابق قیمت دیں . نا کہ 24 قیراط کی قیمت ادا کریں .ساتھ دھمکی دیں کہ میں ابھی اسی مشین پہ چیک بھی کرواوں گا . کہ یہ 15، 18 ہے یا 21 قیراط

اور وقت یا سہولت میسر ہو تو اس کو مشین پہ چیک بھی کروا لیں کے کتنے قیراط بنا اور آپ نے کتنے قیراط کے حساب سے قیمت ادا کی .

میری ان سب باتوں سے ہو سکتا . میرے سُنار دوست ناراض ہوں . لیکن ! میرا بتانا فرض تھا . تاکہ لوگوں کو چلے . یہاں یہ بھی بتاتا چلوں کہ سارے انگلیاں برابر نہیں چند ایک اچھا کاروبار کرنے والے بھی ہوں گے لیکن میرے خیال میں ان کی تعداد شاید 1 فیصد سے زیادہ نا ہو ۔۔۔